谷祖琳（小谷）開設的甜品店昨日在銅鑼灣開分店，好姊妹鄭希怡、黃伊汶、何嘉莉及谷德昭捧場，小谷透露已是第四間分店：「下個月仲會喺成都開第一間內地分店。（唔驚畀人呃錢？）因為老公家族生意喺內地做咗三十年，會有人幫我睇住。」問到是否有計劃將飲食生意上市？她說：「向呢個目標進發。（過億身家？）冇！」她感激老公過去多月的幫忙：「畀咗好多意見我，同埋呢幾個月幫手湊女。」佗住四個半月肚的黃伊汶被問到BB性別？她說：「報告未出。其實我哋都好鍾意男仔，希望係仔啦！」

谷祖琳新店開張，獲好友黃伊汶、何嘉莉和鄭希怡捧場。

谷祖琳表示會向將生意上市的目標進發。