楊千嬅和影壇新人蘇麗珊等前晚出席「香港亞洲電影節2015開幕禮」，有指千嬅囝囝Torres日前出席郭富城50歲生日會時，見到城城即緊張得手心冒汗，千嬅說：「Torres當日參加咗兩個生日會，下午個小朋友生日會有好多糖又有公仔，點知夜晚嗰個有人拉紙炮，佢咪嚇到彈起囉！」

楊千嬅（右）出席活動時，大讚新人蘇麗珊演技自然。

她又透露Torres喜歡看郭富城跳舞，問到兒子是否想學跳舞？她說：「我諗佢有啲天分，可能同父母做呢行有關。」問到父子舞功誰較勁？千嬅說：「其實我老公真係識跳舞，唔知個導演點解Cut晒。」