黃智雯對於有份參演的劇集《張保仔》於新加坡奪「最佳劇集」而開心,更坦言希望角色大兜亂拍時裝版續集。而陳智燊坦言有心理準備做爸爸。文:影視組

若《張》劇開拍時裝版續集,黃智雯提議可以玩角色輪迴投胎!

為避開記者,李思捷不惜遲到兼早退。

《爸》劇台前幕後工作人員聚首一堂食煞科宴,非常熱鬧!

黃智雯、陳智燊及李思捷前晚出席無綫劇集《爸B有話兒》煞科宴,有份參演台慶劇《張保仔》的智雯對於收視直衝31點感到開心,她亦有恭喜陳展鵬在新加坡封視帝:「最開心係攞埋『最佳劇集』。(搞慶功?)咁就要睇視帝喇!(等佢請?)梗係啦!嚟緊仲有TVB、Astro,有排佢請,佢一吹雞大家就食!」

恨拍時裝版續集

談到網友估計《張》劇開續集,智雯表示非常恨拍:「如果拍續集,希望所有角色撈亂,可能拍現代版,所有角色輪迴投胎都幾好玩。」此外,智雯在劇中向陳山聰說:「老公你支洋炮好厲害!」遭網友截圖取笑,智雯笑說:「我係話佢買支洋炮好犀利,咁都聯想到嗰樣嘢,其實拍嘅時候大家因為呢樣嘢笑咗好耐。」

陳智燊準備生仔

而於《爸》劇中飾演兩子之父的陳智燊自認對小朋友有耐性,問到現實生活中是否隨時準備做爸爸?即將與宋熙年結婚的他說:「OK!實習完都有準備,都有喺呢方面諗。」至於近日又再被指與裸模張淨思大爆有親密關係的李思捷姍姍來遲,於飯局大合照後,便急急腳欲閃人,記者要求做訪問時,他即木無表情地說:「緋聞唔答。」