兩位孕媽媽混血名模Ana R.和Jessica C.（JC）前晚穿上4吋高跟鞋出席活動，Ana表示丈夫不會擔心她做任何事，也阻止不了她要做的事，問到早前拍懷孕裸照可有問准丈夫，她說：「問都冇問過佢，我係影完返屋企先Show啲相畀佢睇，佢問我：『做咩冇着底底嘅？』不過佢睇完就讚啲相好靚，話Good Job！我其實想老公同我一齊影，不過佢唔想，佢怕醜，我提議Jessica同Andy（安志杰）一齊影，叫Andy半裸，JC全裸，我可以負責游說Andy！」問到JC可會效法Ana影這類照片，她說：「我覺得呢個係一個特別嘅時刻，好值得紀念，可以考慮。（知道BB性別未？）未知，我之前想要仔，不過我覺得Andy想要女，所以仔女都冇所謂。」

周秀娜大晒白滑美腿，十分誘人！

JC不但輕撫Ana R.的肚子，更互相交流佗B心得。

同場的周秀娜自爆明年隨時閃婚，至今仍是單身的她說：「記得25歲時啱啱出嚟做嘢，我媽咪好擔心我嘅前程，於是去問相士，相士話我31歲會結婚，出年就係喇！眨吓眼就過咗5年，我都好期待，仲有一年時間去搵。（閃婚？）閃婚我OK！緣分要嚟擋都擋唔住，只要係適合同鍾意嘅對象就可以，但一定要夠閃，即係要靚到Bling Bling咁。其實遇到啱就得，幾日都OK，我都係憑感覺行先，唔介意識嘅時間長短。（如果奉子成婚呢？）又未去到呢個地步，淨係話我會結婚！」