娛樂圈最近有不少星二代極速彈起，個個都遺傳星爸星媽的完美DNA，到底他們是否贏在起跑線上？《東網巨星》推出節目《玄學星相》，最新一集邀得堪輿學家雲文子跟大家以玄學角度分析，一眾星二代是否做明星的材料。文：專案組

竇靖童命格配合，今年入行就最適合。

Hilary（左二）外表甜美，在娛樂圈發展定會獲貴人相助。

龔慈恩女兒林愷鈴眼大大，人緣夠旺。

雲文子（左）和主持Yufi在《玄學星相》分析星二代星途發展。

星二代是否贏在起跑線上？《東網巨星》娛樂節目《玄學星相》播出後掀起網上玄學節目熱潮，網友睇得過癮之餘，又可以增進玄學知識。最新一集由堪輿學家雲文子師傅以玄學角度分析最近極速彈起的星二代，到底是龔慈恩女兒林愷鈴清純怕醜夠煞食？天后王菲女兒竇靖童才華取勝？抑或上山詩鈉愛女Hilary甜美易入屋？雲文子師傅都會為大家一一剖析。

龔慈恩女眼大人緣旺

首先是林愷鈴，雲文子說：「佢對眼睛又大又圓，人緣同觀眾緣非常之旺。但係可惜佢本身今年命宮『入墓』，即係話仲未準備好！」那麼林愷鈴到底何時才適合進娛樂圈？入行之後又應該專注哪一方面？睇《玄學星相》就會一清二楚！至於天后王菲女兒竇靖童，雲文子說：「見到佢命宮『太歲』同『開門』今年相生，2015年絕對係一個入行嘅好時機，而且自身方面都有『植符』，代表喺娛樂圈會有唔錯嘅發展！」

Hilary多貴人相助

問到上山詩鈉女兒Hilary，雲文子說：「見到佢嘅命宮臨『休門』，即係如果佢選擇加入娛樂圈嘅話，會有好多貴人幫佢！」看來兩人都盡得天時地利人和，想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！【 http://goo.gl/uzfnp2 】