莊思敏、沈震軒及張建聲等前晚出席電影《碟仙碟仙》首映，紛紛化上萬聖節鬼裝，當中張建聲扮演《蝙蝠俠》中的小丑造型極之搶鏡！莊思敏則以旗袍女鬼Look亮相，面上還有多道血痕。張建聲透露為撐莊思敏，花了逾六小時化妝：「我近排肥咗少少，啲衫有啲窄。（你之前話健身操肌？）為咗連戲唔可以一下子瘦晒，戲入面同陳觀泰等前輩合作，我學到好多嘢。」

殭屍裝扮的沈震軒，向女鬼打扮的莊思敏埋首。

莊思明（左）以黑色鬼魅造型谷胸上陣，與旗袍女鬼Look的家姐莊思敏一較高下。

張建聲扮演《蝙蝠俠》中的小丑。

莊思敏妹妹莊思明以黑色鬼魅造型谷胸亮相，卻遭莊思敏取笑：「佢扮鬼咩？佢扮靚之嘛！」莊思明解釋：「呢個Look驚（口架）！頭先行商場幾多人望我！」另外，羅蘭被問到同樣是資深演員的夏萍跌倒入院，她說：「年紀大跌親手腳、腰骨就麻煩，佢有冇裝平安鐘？我屋企有，亦都有工人照顧，年紀大幾時都要自己小心，放隻腳落地試試力先。」