何家上下包括何超儀與老公陳子聰、何超盈昨日亦專誠到場支持何猷龍。眾人盛裝打扮現身紅地氈，以超Deep V上陣的超儀更酥胸半露，明顯隆重其事！

超盈到場撐猷龍。

性感拋胸的超儀拖住老公出席。

至於超盈亦執到靚靚現身紅地氈，問到悉心打扮是否為見同場的荷里活型男里奧勒度？她說：「之前見過佢，今次主要係捧哥哥（何猷龍）場，同埋嚟見識吓。」提到早前在慈善拍賣中以15萬美元投得跟里奧勒度共進晚餐的機會及有機會在電影探班，她說：「仲未食，應該好快，都係見識吓荷里活。（到時會唔會集郵？）應該好混亂，有得參觀已經好開心！」