硬膠芭比何洛沂踢爆圈中潛規則

「硬膠芭比」何洛沂以三點式上陣，D Cup上圍營造出波濤洶湧之效！敢言的她大爆遇過圈中「潛規則」，又寸嘴批外界「歧視」蒲妹，勸港女要帶眼識人！

何洛沂D Cup上圍澎湃，一雙長腿亦引人注目！

表情可愛的何洛沂穿泳裝受訪時幫蒲妹大平反！

被封為「硬膠芭比」的落選港姐何洛沂（Ashley）身穿泳裝受訪，驕人身材一覽無遺！問有否被公司相中入行發展？她表示曾拒絕電影邀請：「暫時就冇公司簽，早排有內地導演想搵我演電影嘅反派女一，但因為時間問題推咗。」她更大爆身邊朋友參演電影時遇上「潛規則」：「會畀導演抽水囉！之前都有人搵我拍，暗示要同導演同老闆唱K、食飯，又要上佢哋遊艇飲酒，仲同我講：『唔好介意啲人玩得癲，盡量配合！』」

一向熱愛夜生活的她更反駁外界對「蒲妹」的「歧視」：「好多電影都講到Clubbing就係壞，但好多人都唔知現實中係點！」