劉青雲太太郭藹明昨日出席美肌產品活動時透露，現時以家庭為重，閉關超過十年的她已沒有戲癮。同場的謝婷婷回應舊愛安志杰即將做爸爸時自嘲不少舊愛都已婚，但她仍未有結婚衝動。

婷婷身穿露肩短裙出席發布會，相當性感！

郭藹明以半透視裝亮相，久未露面的她依舊明艷動人！

安志杰與Jessica C.將會結婚，婷婷未有親自送上祝福。

郭藹明與婷婷昨日出席「飛利浦全新多功能美肌神器VisaPure Advanced」發布會，大會播放他倆合作拍攝的宣傳片，完美演繹產品功能。

家庭為重

郭藹明表示現時以家庭為重，沒有戲癮：「少啲拍戲啦！因為要就時間。（咩劇本先可以吸引到你？）冇一定，都有傾吓，要睇角色同劇本，同埋一定要就到青雲嘅檔期。（會否再以情侶檔復出？）少啲，不過上次拍廣告係幾好玩。（會唔會返TVB拍劇？）劇集時間太長。（青雲贊成你出番嚟？）佢冇乜所謂，但要就到佢嘅檔期同時間，我有超過10年冇出過嚟啦！所以有諗過自己得唔得。（有戲癮？）早期都有，依家少啲。」她笑言今次拍廣告也有點緊張。

冇親自恭喜

同場的謝婷婷透露早前到土耳其和倫敦出席友人的婚禮，問到有否受感染想結婚？她說：「咁又冇，好多朋友都結咗婚同生咗BB，我嘅性格係唔會畀任何人影響到。」對於舊愛安志杰將與Jessica C.結婚並榮升爸爸，她表示未有親自恭喜對方，但會透過對方助手送上祝福，並打算送印有兩人名字的襪做禮物：「有人問我會唔會覺得佢哋特別快，我覺得如果兩個人下半生係決定一齊就OK。（你會否懷孕後才結婚？）我思想比較傳統，不過『意外』冇人可以計劃，所以都冇所謂。（舊愛結婚會唔會令你心郁加快腳步？）唔會，我好多舊愛都結晒婚同生埋小朋友。」

文：名人組