魔術師甄澤權（Louis）與「美心妹妹」楊鎧凝（Celine）昨晚聯同香港業餘管弦樂團演出，兩人都表演唱歌，Louis說：「臨尾會唱少少，唔敢太早唱，驚啲人會走，臨尾唱就係咪都要走！（覺得練歌仲難過表演魔術？）都係，我唱歌會比較緊張。」身旁的香港業餘管弦樂團團長蘇潔明指Louis的聲音似許志安，Louis聞言說：「唔係，許志安係我偶像，我今晚會唱《一步一生》，係我好鍾意嘅歌，會配合埋魔術邊變邊唱。（係咪第一次公開唱歌？）上年個人Show度唱過少少，今次又唱多少少，但第一次有管弦樂團一齊，好震撼！雖然佢哋係業餘，但係我覺得好專業！（會搵Celine做你助手表演魔術？）等佢大個啲先，佢都有天分，不過小朋友對手太細拎嘢難掌握，等佢對手大啲先！」

Louis、Celine與香港業餘管弦樂團團長蘇潔明攜手演出。

而Celine受訪時即場表演變糖果魔術，又唱《See me fly》一展歌喉，她自爆前晚練了一會魔術和唱歌後便睡覺，又表示有意擔任Louis的助手，問到若要被魔術鋸開？她即說：「會驚！」