林欣彤(Mag)、方皓玟、劉威煌及馮允謙昨日出席活動,對於早前被指離開「娘家」,Mag透露與無綫及唱片公司英皇已正式約滿,最近積極與雙方洽談續約事宜:「暫時傾緊,整頓吓先,有同樂小姐(樂易玲)傾。(成數大?)冇話大唔大,一向同兩間公司合作成數都好多。」她又否認傳聞所指因心灰意冷才離巢,問到無綫可有加人工挽留?她說:「點都會加,因為當年簽約仲係讀緊書,係Part-time形式,所以點都有加人工,我同佢哋講要養屋企。」

Mag(右)的續約事宜仍未有定案,方皓玟不敢胡亂「加把口」。

與Mag分屬好友的方皓玟得知對方屬自由身,問到可會拉攏Mag到旗下的獨立公司?她笑說:「邊有得拉?我呢啲細公司,唔知佢睇唔睇得上眼!(畀吓意見?)邊有意見,自己都未搞得掂,唔會點條衰路畀佢,反而我要問番佢轉頭!」