錢嘉樂基因最強！餅印女Kassidy夠旺財

湯盈盈一直強調幼女Kassidy似足自己，昨日終正式揭開謎底，上載多張愛女的萌爆照片！有圖有真相，錢嘉樂基因最強，Kassidy與爸爸激似！日前Kassidy滿月，錢嘉樂出發到南京舉行《歲月友情》巡唱前與盈盈為女兒大搞滿月派對，雙方父母及盈盈的好友，包括佘詩曼、周家蔚及梁靖琪等都到賀，盈盈又上載在派對拍攝的一家四口全家福，幸福指數爆燈！

換尿片扯白旗

有女萬事足，對於與囡囡被指似足餅印，錢嘉樂與盈盈昨日接受電話訪問，嘉樂笑說：「當然開心啦！但我認為其實佢同太太好似！大女第一句就叫『爸爸』，我想細女第一句叫『媽媽』先！不過兩個女真係好旺我，太太佗大女時我攞金馬獎最佳動作設計獎，細女就旺我做巡唱！」他又笑稱現時要照顧3個「女兒」，分身不暇：「依家面對佢哋都冇力反抗，實在太冧！」他更自爆對幼女不敢輕舉妄動，單是換尿片此環已令他卻步：「同細女只係換過一次尿片，佢咁細個，我又粗手粗腳，真係唔敢掂佢，交由太太全力照顧。不過太太都辛苦，成晚要起身4次餵人奶，我雖然幫唔到手，但都會喺身邊支持。」他又透露幼女的中文名仍未定，盈盈則非常體貼，她說：「平日佢一得閒就幫手抱女。」

瓣數多密密吸金

錢嘉樂與盈盈悉心照顧Kassidy，同時要顧及長女錢凱晴的感受，他說：「我都怕佢呷醋，始終花好多時間照顧細女。有次我出門口做嘢，大女扁晒嘴皺晒眉，攤喺地下話：『So sad！』搞到我囉囉攣！」錢嘉樂瓣數多多，要兼顧做巡唱、拍劇及擔任動作導演，他以「機不可失」來形容眼前的機會：「咁多瓣數係機緣，加上成屋都係女，冇理由推咗啲機會，咁多嘢做點都唔辛苦，個心好甜！」

採：影視組

文：專案組