前組合E-Kids成員郁禮賢（Kasa）昨日在社交網表示前日已舉行簡單的註冊儀式，婚宴將於明年下半年舉行，預計擺30至40席，屆時會廣邀圈中朋友及長輩如陳百祥、曾志偉及譚詠麟等飲喜酒，前隊友Alan（林詠倫）與Tommy（阮民安）則當頂酒兄弟。

Kasa昨日接受電話訪問時指跟圈外太太Hera拍拖兩年，34歲的他自覺是時候成家，而註冊不同時擺酒是怕辛苦：「由朝忙到晚會好攰，加上想啲來賓見證結婚儀式，如果擺酒，啲人會去晒麻雀房唔得閒觀禮。（咁突然結婚係咪有BB？）未住，順其自然！」一對新人行禮時都緊張不已，Kasa比太太更早落淚。談到婚戒，他不知卡數，只知不過十萬元。問到求婚過程？他表示為製作「夢中求婚」，刻意待太太睡覺時突然開燈，令她一開眼就看見滿地花、蠟燭及戒指。