黃秋生昨日接受電話訪問，回應被導演王晶在微博寸他當年執導的電影《新房客》票房欠佳：「佢Unfriend咗我啦！我做乜仲回應佢？（係咪你嘅『多餘人』言論辣親對方？）Unfriend咗呀！喺我哋各自世界裏面，對方都係多餘！唔明點解對佢嚟講我咁重要？我都踎咗成年（指之前疑因言論問題，良久未有內地工作接洽），依家《梟雄》套劇上，佢又撲出嚟踩幾腳，係咪我一家踎街，老媽子瞓街咁先得？」

王晶與黃秋生（圖）雖已Unfriend，卻「隔空對罵」！（資料圖片）

王晶（資料圖片）

問到是否希望爭拗到此為止時，秋生說：「唔係我希唔希望，我覺得好煩呀！佢係咪有嘢要宣傳呀？我廢，幫唔到佢，過主搵第二個嚟鬧啦，咪再理我啦，係咁！」