視后佘詩曼（阿佘）與張智霖（Chilam）於電影版《十月初五的月光》再續前緣，戲中「君好」阿佘多年後重返澳門，與「初哥哥」Chilam及「金勝」唐文龍等敍舊。惟經歷喪夫之痛的阿佘大受打擊，飲酒、賭錢兼自殘發洩，有次路經一雀局時賭癮大發，結果輸錢的她被灌酒，更豪氣地自隊一支威士忌！

「初哥哥」Chilam看着「君好」阿佘自隊時一臉無奈。

阿佘（左起）、Chilam與唐文龍於大銀幕再續前緣，暢談往事。

阿佘表示拍攝前聽從導演建議，首次飲酒拍一場醉酒戲：「驚唔記得對白，因為成場戲都要講好多嘢，又唔知飲咗酒做戲會點，導演話如果唔滿意就擇日重賽，佢畀好大信心我，Chilam都好支持，唔介意再拍過。」雖然大牌檔後巷又濕又污糟，但視后級的阿佘毫不介意，攤在後巷地下邊煲煙邊含淚表白，這場內心戲更一Take完成，盡顯專業！