再奪「新加坡視帝」的陳展鵬昨晚與陳凱琳、洪永城（Tony）等出席《張保仔》結局飯，一眾藝員開香檳為他慶祝，更有粉絲到場自費3席支持他。展鵬透露收到不少好友的恭賀，但忙於拍攝劇集《城寨英雄》與《巨輪II》，未能與好友一一慶祝。他昨晨由新加坡返抵香港機場時，獲大批粉絲帶同果籃、禮物及香檳到場歡迎。

曾傳不和的陳展鵬（左）及洪永城大方合照，中間隔着陳凱琳亦有講有笑。

陳展鵬、陳凱琳和洪永城等出席《張保仔》結局飯，各人開香檳賀展鵬奪「新加坡視帝」。

同場曾與展鵬傳不和的Tony，被問到會否羨慕對方？他笑說：「一定啦！簡直又愛又恨，愛佢又太叻，恨佢又太叻喇！（年底爭視帝？）佢（展鵬）係一架跑車，我見佢車尾燈都當贏喇！」前晚Tony與拍檔黃翠如手拖手登上新加坡紅地氈，獲網民大讚登對，他笑說：「唔知翠如有冇後悔揀咗Edwin（蕭正楠）？」問到是否不擔心女友唐詩詠呷醋，他即笑言要打電話「補鑊」。

而在新加坡奪兩獎的陳凱琳，早前被黃秋生批評演技，問到有否覺得吐氣揚眉？她說：「唔會，因為真心覺得係前輩既意見。」忙拍《巨輪II》的她笑言未有時間與男友鄭嘉穎慶祝。