萬聖節將至，歐陽震華（Bobby）相約萬綺雯（蚊蚊）及王浩信扮鬼應節，Bobby將膠紙DIY做乳貼，又指三人是「喪A喪B及喪C」，笑爆全場！蚊蚊踢爆Bobby與浩信有「HeHe情」，纏綿得眼冤！

蚊蚊扮女巫騷招牌長腿，若隱若現引死人！

Bobby（右）和浩信被踢爆由兄弟情發展成斷背情。

Bobby（左起）、浩信和蚊蚊齊扮鬼嚇人。

蚊蚊與Bobby笑蛋百出，趣怪表情扮鬼也不恐怖。

歐陽震華、萬綺雯及王浩信因拍攝無綫劇《東坡家事》成為好友，三人趁萬聖節玩變裝，但效果搞笑多於驚嚇！Bobby戴魔鬼角扮魔王，更將黑色膠紙剪成乳貼；蚊蚊扮女巫騷招牌長腿，並打算騎掃帚扮飛，豈料掃帚太短未能「起飛」；浩信扮喪屍保持眼神呆滯，但自嘲扮得不似，蚊蚊說：「我安排你扮喪屍，但唔好意思叫你化喪屍妝！」Bobby即搞笑地說：「你係喪A，我係喪B，佢就喪C！」

扮殭屍贏亞軍

Bobby透露初入行時參加萬聖節派對，扮中國殭屍贏得亞軍：「當時有班木乃伊由下午已經包繃帶，食飯都冇人幫佢哋拆，最後佢哋贏咗，但都唔知係邊個，萬聖節扮木乃伊真係最笨！」蚊蚊表示每年都準備糖果予鄰居小朋友，浩信則甚少湊熱鬧：「可能今年買南瓜畀個女啦！」

食飯變「射飯」

提到拍《東》劇趣事，兩男笑指蚊蚊是笑料之源，例如將食飯講成「射飯」。Bobby更指是近十年拍得最開心的一套劇：「開心指數勁過去瓦魯阿圖！」蚊蚊聞言忍不住還擊，踢爆Bobby及浩信關係曖昧：「佢哋好纏綿，鍾意密密斟，當我透明！」浩信笑言遇上Bobby終將無聊潛能爆發：「開頭我以Fans心態見佢，慢慢發覺呢個人好無聊，同我好似，我成日有衝動想Jam埋去！」

場地：九龍東皇冠假日酒店

萬綺雯服裝：www.dorisq.com　

髮型：Dominic Tao（Pi4.com.hk）

文：影視組　攝：張福宏