型男古天樂昨日到旺角為健身中心擔任開幕禮嘉賓，與來自世界各地的拳手合照，古仔自爆年少時曾舉書包當啞鈴操肌：「細個冇錢買啞鈴，咪舉書包囉！（女同學睇到嘩嘩聲？）我喺屋企做，如果有人喺操場舉書包，佢一定係黐咗線！我依家一星期做3日運動，做運動最緊要咪懶，要有恒心。（在意體重？）屋企有部機Check脂肪含量，我會Check住，長期都係脂肪含量低，反而冇在意磅數。（會爆肌示人？）嗰啲要谷，我唔使，但如果拍戲需要就會。（投資開番間健身室？）自己開一間冇諗過，但運動對身體有益，同埋要注意飲食，基本上我唔食煎炸嘢，由細到大都係！」

古天樂（後排左4）拿起腰帶，與來自世界各地的拳手合照。