馬國明、陳豪、洪永城與朱千雪等昨晨出發到新加坡出席頒獎禮，馬國明坦言得獎機會微，不過力撐「舊愛」胡定欣奪獎：「定欣進步咗好多，今年唔得出年都得啦！佢喺《城寨英雄》入面個角色都好有發揮。」而洪永城則指《張保仔》中的陳展鵬奪視帝實至名歸，又希望自己都有獎，以證明過去一、兩年的努力冇白費。談到好友黃翠如前日生日，他說：「佢叫我買禮物，我叫佢喺飛機度揀！」
馬國明與朱千雪一起出發到新加坡。
