歐陽巧瑩憑34C迷人身材上位，被封無綫「咪神」！她受訪時大爆曾對自己的性取向感疑惑，更曾「分裂」成另一「男性」身份結識朋友。

歐陽巧瑩身材出眾，難怪被封無綫「咪神」！

男裝打扮的歐陽巧瑩樣貌俊俏，可謂男女通殺！

歐陽巧瑩渴望扮演同性戀者，因自己亦有類似經歷。

近期被捧為「新一代咪神」的歐陽巧瑩（Tammy）接受本報訪問時大爆料！她透露4年前曾對自己的性取向感迷惑：「我鍾意過女仔，嗰時好鍾意打扮成男仔。2011至2012年嗰段時間好迷失，成日用男性身份出街見朋友，甚至會特登開另一個帳號吸引女Fans，好似分裂咗咁，以另一個身份去滿足自己。」

想演同性戀者

Tammy又說：「嗰陣有女仔鍾意我，有啲唔識嘅會Follow我同留言讚我。我素顏加短髮嘅話真係溝到女，諗番起都覺得幾好笑！」直至2012年後遇上心儀對象，她才肯定自己喜歡男人。簽約無綫的她承認局限多，期望將來有機會扮演同性戀者：「如果將來有機會拍電影，個尺度會闊好多，可以演啲踩界嘅內容。好想試吓飾演同性戀者，或者係個仲未摸索到性取向嘅角色。」

30歲先結婚

Tammy向來愛得勇敢，與男友林師傑公開戀情以來經常出雙入對，但她堅持遲婚：「我批過命唔可以早婚，一定要30歲之後先結，如果唔係就會有兩個老公。而生仔就冇乜意欲，亦唔驚人哋話我靠感情事上位，做得呢行點都要面對，唔介意得咁多。」

文：專案組

攝：秦健輝