歌手JW昨日出席活動時談到早前在社交網上載跟鄧紫棋（G.E.M.）一起行山的照片，問到相中衣着性感的她是否想搶鏡？她說：「冇咁諗過，只係成班朋友行，不過估唔到咁多人，好似塞車咁。（你之前冇乜同G.E.M.同場？）佢前排忙，依家大家都喺香港，就同班朋友一齊出去。」

JW已簽約新公司，有份參與揀歌和拍MV，周國賢則籌備開音樂會。

JW稱已簽約新公司數月：「簽一陣，已經出咗一首新歌。（行性感路線？）公司同我嘅理念一樣，要健康，冇話露啲咩。呢度自由度大啲，揀歌同拍MV自己都有份參與，會以音樂為主，想Show到自己嘅音域，希望可以開音樂會。」

同場的周國賢表示正籌備11月舉行的音樂會，為免屆時在台上會哭，他現在多看慘情電影來訓練自己。