謝霆鋒憑內地節目《十二道鋒味》，人氣在內地更上一層樓，近日傳出有人在深圳公然大搞「山寨版」謝霆鋒演唱會，對於這個山寨騷，經理人霍汶希（Mani）回應：「暫時都唔會有演唱會嘅計劃，希望大家唔好受騙！我哋交咗畀法律部跟進，之前都有收到粉絲投訴。」而英皇娛樂亦發出澄清啟事：「本集團及謝霆鋒先生從來沒有授權任何人士、公司或組織宣傳及/或舉辦該演唱會。」同時亦表示會保留一切法律追究權利。

霆鋒的《十二道鋒味》在杭州奪獎，鋒味曲奇又受器重，確係威水！

霆鋒四圍飛工作，不忘帶埋鋒味小熊同行！

另外，由霆鋒一手打造的《十二道鋒味》日前在杭州獲得十大「文創新勢力」大獎，同時霆鋒親自研發的鋒味曲奇亦受香港貿易發展局邀請，代表香港在FASHION GALLERY中展示，對於「雙喜臨門」，霆鋒直言美食節目不應只有「吃」那麼簡單：「每一道菜背後都有『鋒味』故事，我仲好記得第一次開火係爸爸（謝賢）教我煎荷包蛋，佢嗰時仲話凡事都有兩面，做人要好似煎蛋咁學習拿捏火候。」