新任「晶女郎」林莉嫻（Leslie）與「鴨王」何浩文（Dominic）在新片中有超激全裸床戲，鬥騷優質股！首次拍戲的Leslie連環獻出「螢幕初吻」及「初夜」，但她演出忘我奔放，一Take OK，完全不似新人！

林莉嫻多謝何浩文提點，認真識做！

林莉嫻向何浩文投懷送抱兼咀嘴！

林莉嫻與何浩文埋身激咀！

林莉嫻為電影大騷身材！

何浩文與林莉嫻試位時，大把人圍觀。

擁有一雙電眼的模特兒林莉嫻（Leslie）被導演王晶睇中成為「新晶女郎」，闖影壇後即在電影《鴨王2—雞同鴨戀》中有吃重戲份，與女主角文凱玲（Connie）、鍾采羲（Iris）及唐紫睿（Hazel）鬥性感，上位在望！

身貼身唔怕醜

日前Leslie與男主角何浩文（Dominic）在西貢一間獨立屋開工，當日只是第二日開工的Leslie未埋位時表現緊張，不停唸唸有詞，但一Roll機即「上晒身」，按劇情主動向Dominic擁抱送嘴，講對白亦頗順暢。其後他們上房拍床戲，聽從導演姜國民指導及飲水壯膽後便除去浴袍。擁有高挑身形、33B上圍的Leslie全裸上陣，只在三點黐上膠紙，Dominic亦只以膠紙遮掩「巨鵰」，但兩人表現專業未見怕醜，在床上身貼身翻滾激咀，輪流露出「優質股」，畫面超香艷！Dominic用手為對方遮掩重要部位以防穿崩，Leslie亦表現自然奔放，第一Take已達標，表現完全不似新人！

被電到有Feel

受訪時，Leslie表示連環獻出第一次心情難免緊張，幸得師兄Dominic提點：「佢有提我點捉啲Timing，對住佢我會放膽啲，我之前有對鏡練習，希望表情眼神做到最好！（裸戰尷尬？）大家都好友善同專心工作，比想像中冇咁尷尬。」Dominic大讚Leslie潛質無限：「佢Roll機唔緊張，證明佢身體係習慣演出，而且有心進步，係做好演員必有條件。（畀佢對大眼電到？）都有！劇情係我哋想愛不能愛，幾有Feel！（佢同Connie邊個好咀啲？）各有各好，不過揀就揀Leslie，因為高度啱啲。」提到要全裸肉搏，兩人均表示事前努力操Fit，Dominic更笑言有狂啪蛋白：「呢排係咁食蕉、食蛋、食菜，有信心身形比上一集更Fit！」

文：影視組