內地執業律師吳志強表示在內地買賣樓宇，手續步驟較為繁多：「要報稅、交稅，仲要收款，即係代表你係做按揭或用邊間銀行畀錢，之後仲要搞埋過戶手續先成事。」他指多數人會親自處理買賣事宜：「多數係自己去處理，如果唔得先要寫委託書，因為如果做呢啲買賣會影低雙方個樣嚟存檔，方便日後可以搵番佢哋。」但講到冒認別人買賣樓宇，吳志強表示已屬刑事，至於刑罰方面，則要視乎法官判決。