廖碧兒及陳寶珠昨日以大使身份出席有關乳癌的慈善活動。碧兒表示不知道餵人奶可以減低患上乳癌的風險，又透露想生小朋友，但一切隨緣！

廖碧兒雖然着得密實，但一對長腿依然非常搶眼！

琦琦（右）看見陳寶珠即攬實合照。

楊婉儀現身支持步行籌款活動，落場一齊行。

昨日廖碧兒、陳寶珠、楊婉儀及名模琦琦一同以大使身份出席關注乳癌的步行籌款，碧兒父母、姊姊及兩名外甥女亦一同撐場。已第十年擔任大使的她表示，十年前大家談及這個話題時會感到尷尬，但現已變得普遍，問會否減少吃含雌激素的食物護胸？她說：「我本身食好多肉，但都會食好多菜，運動量都大，仲要有均衡嘅飲食。我唯一唔知嘅係原來餵人奶可以減低患乳癌風險。（咁你又幾時生？）我都想有小朋友，但要睇緣分同機會！（雪定卵子？）要做多啲資料搜集先。」問可有對象？她笑言朋友有介紹給她，所以也多了約會。

琦琦女兒捐贈長髮

另外，陳寶珠表示每年都會做身體檢查，自爆曾發現胸部有脂肪粒，幸屬良性，毋須服藥，但要注意飲食和多做運動。她又透露有做瑜伽和跳拉丁舞：「跳咗年幾，初學嗰陣跟唔到，依家跟到之餘，仲可以望鏡睇吓姿勢。（畀同學圍？）我啲同學好好，唔會圍住我。初時有隔膜，但之後見我動作唔啱都會話我知，間唔中都會一齊食飯，（有冇男Partner？）全部都係女仔。」至於同場的琦琦則透露女兒心地善良，自發留長頭髮，計劃將頭髮捐給病人當假髮，令她大為感動！

文：名人組