大隻仔溫家偉昨日與周志文、羅天宇及女將陳偉琪（Vicky）組成籃球隊HERO出戰《青雋盃籃球總決賽》。提到緋聞女友吳若希（Jinny）早前上載千字文，為安慰弟弟而自爆小時候曾被母親打到入院，又揭母親意外後性情變得不可理喻，溫家偉說：「個個細個都會咁，近排見Jinny都冇乜嘢，多啲Take Care佢，關心佢多啲。（Jinny話細佬唔聽話？）又唔係喎，我覺得佢幾乖，好聽我話。（幫手教細佬？）有教佢英文，要逼佢同我講英文，進步咗好多。」

穿上波衫的溫家偉大騷麒麟臂，不負「大隻仔」之名！

周志文與溫家偉組隊打波。