歌手鄭俊弘（Fred）昨日出席《粉嶺中心 x 鄭俊弘甜蜜照相會》活動，即場與粉絲大玩遊戲，並與持照相證的粉絲逐一合照。受訪時，Fred自爆曾被「進擊的粉絲」嚇倒：「試過喺台上唱歌，有粉絲送花，突然錫咗我塊面一啖，嗰下驚一驚同呆咗，有啲尷尬。（之後有所防範？）唔會，唔係惡意動作，或者講聲先好啲。」

大批粉絲舉牌支持心中的「男神」Fred！

Fred與男粉絲玩HeHe味甚濃的遊戲都面不改容，呢啲咪叫Pro囉！

Fred透露將於12月推出新碟，並指快將拍攝的新歌MV有王家衛電影的復古感覺。提到近日無綫藝人相繼離巢，問到公司有否要求主力拍劇？他表示公司一直支持他做每一件事，問到來年會否主攻拍劇？他說：「公司安排，會繼續做音樂。（戲劇上多咗機會？）冇嘅，感激公司畀好多機會，會盡力做好每份工作。」