緋聞男女莊思敏（Jacquelin）與葉念琛日前結伴出席電影公司飯局，應酬完後火速撇甩一眾電影人，趕往二人世界撐枱腳，當晚9時許兩人離開飯局，Jacquelin於門外與友人傾唔停，葉念琛則在一邊不時捽鼻捽眼呆企，直至代客泊車把Jacquelin的座駕駛至附近，他便熟練地自行坐上乘客位，此時Jacquelin亦識做地揮別友人，急急腳登上司機位開車，兩人到銅鑼灣繼續食，撐完枱腳後，Jacquelin再次做柴可夫送對方返歸。

等車期間，Jacquelin與友人雞啄唔斷，葉念琛則在一旁捽鼻呆企。

Jacquelin和葉念琛到銅鑼灣醫肚後才返歸。