《命懸一線》（The Walk）將法國高空鋼線藝術家Philippe Petit的故事拍出幕幕動魄驚心的場面，可謂金像導演羅拔湛米基斯（Robert Zemeckis）又一晒心思與功力之作。

故事講從小醉心特技表演的Philippe（約瑟哥頓利維飾）決意於紐約世貿中心雙子星大樓完工前，行鋼線橫渡兩座摩天大樓，於啟蒙老師、女友及好友協助下，潛入大樓攞料兼裝設備，為夢想犯禁搵命搏。

導演全片活用音效及鏡頭的細節處理，免去傳記片「講古」感覺外，更有趣呈現一個人與一條鋼線的故事，全片營造冷色調荒涼得來未覺單寡。末段更令人投入到忘記劇組是用電腦特效搭出911恐襲前的世貿中心，魔幻感與空靈令觀眾非常代入，甚至屏息齊感受生死一線。約瑟除去稚氣，演繹高傲固執又決心追夢的藝術家，法式英語口音見盡誠意。

文：常歡