洪卓立與女友湯怡拍拖九年，適逢湯怡28歲生日，Ken送上有「MY WIFE」字樣的生日蛋糕，惹來秘婚疑雲。

洪卓立與師妹陳凱彤出席活動，提起「老婆」時忍不住甜笑。

昨日28歲生日的湯怡獲男友Ken於凌晨送上有「MY WIFE」字樣的生日蛋糕，惹來早已秘婚的揣測。昨日與師妹陳凱彤出席電台活動時，自爆為給女友製造驚喜，結果令對方尷尬收場。他說：「想畀驚喜佢，叫佢啲朋友返屋企匿埋，點知佢拍完嘢返嚟，我扮打機背住佢，我一擰轉頭就見佢除咗條褲得番底褲，之後班女性朋友就衝晒出嚟，佢驚到喊！」問到女友內衣是否很性感？他說：「唔話畀你哋知！」又透露湯怡初時因尷尬而生氣。

對於疑似秘婚，湯怡昨日在電話中解釋：「唔係，結婚會講畀大家聽，咁拍拖都會叫老公、老婆，暫時未結婚住，我哋都好多嘢做。」

剝光豬好尷尬

提到「尷尬場面」，她說：「當日好熱，入到屋咪換衫囉，唔知有人匿喺我間房，驚喜到喊咗出嚟。（朋友都見到屁股？）係呀！」並透露晚上與男友在家「煮飯仔」慶祝。

文：音樂組