藝人梁嘉琪昨日在油塘出席活動時透露，一班《學是學非》的女主持將會衝出香港拍旅遊特輯：「依家地點未定，最好去歐洲啦！（驚好似《4個小生去旅行》咁爆衝突？）我驚我哋去到控制唔住，瘋狂血拼多啲！其實今年都好感恩，做咗兩個節目主持，儲咗班太太同小朋友Fans。（想拍番劇？）我成年冇拍劇，但外邊對我做主持嘅反應都幾好，出街有小朋友叫我做『是非姐姐』！我呢幾個月亦都接多咗外面嘅工作，所以公司想我做乜，我就做乜！」

晒腿上陣的梁嘉琪自爆靠做主持入屋，唔介意被叫「是非姐姐」。