王宗堯前晚捧完張敬軒場，昨日偕鄭欣宜及邵仲衡到城門水壩出席行山活動。首次行山的王宗堯帶同相機邊行山邊影靚景，至於有否為女友黎紀君影相？他說：「都有，佢都鍾意影相，互相影！」問到公開戀情後，粉絲有否呷醋？王宗堯笑說：「冇喎！但係走晒。」但他認為公開戀情令拍拖更方便：「收埋仲難，成日喺屋企咩！（唔怕被影？）唔怕！」

王宗堯前晚捧軒仔場時，睇到拍晒手。

王宗堯（右起）、欣宜和邵仲衡齊齊行山。

欣宜表示平日會帶寵物行山：「行完上去會搭番的士返屋企。（唔行番落去？）對膝頭哥唔好吖！」對於其父鄭少秋曾表示想與她在《Sunday靚聲王》中合唱，欣宜說：「好呀！十幾歲嗰陣試過喺EYT周年慶祝咁唱歌，又排埋舞，依家唔會想睇番嗰啲囉！」又稱與爸爸一起工作感舒服又得意，加上她未上過《Sunday靚聲王》。而邵仲衡稱有行山習慣，認為夏天去海灘是必須，亦大讚風景優美。

另外，昨日34歲生日的歌手陳詩慧，前晚獲「阿哥」宗堯及公司同事打邊爐慶祝，更獲偶像何韻詩錄生日聲帶祝福。