藝人瑪姬除了忙於擔任節目主持及活動司儀外，早前更同時兼讀碩士學位。面對如此繁重的日程，她自爆每朝會食金奇異果及飲鹼性水以保靚樣及Fit爆身材：「我屋企隨時都會有十幾個奇異果喺雪櫃Stand By！我起身就即飲一大杯暖嘅鹼性水同食兩個奇異果，咁樣對身體好啲！」她又分享讓奇異果快速變熟的方法：「奇異果通常好硬同好酸，如果想佢哋盡快變腍，就可以洗走表皮上啲防腐劑，咁樣擺一至兩日就會食得！」提到運動習慣，瑪姬表示經常單手舉啞鈴以擊退手臂及腰間的「鬼祟肉」：「我一星期做三次Gym，頭半個鐘會單手舉啞鈴收拜拜肉同條腰，之後因為我比較難出汗，咁要跑足一個鐘跑步機先掂！」

瑪姬靠食奇異果同飲鹼性水Keep Fit駐顏。

瑪姬身材勻稱，睇嚟佢嘅「奇異」收身大法真係好有效喎！