珍藏品不一定要名貴，「動漫Maggie」李曼筠笑言近兩、三年變成帽迷，家中擁有數十頂不同類型的帽，特別是草帽和絨帽，是一年四季必備的打扮飾品：「我平時唔使做嘢嘅日子都會戴帽，不知不覺已經成為我個人嘅標記，都有唔少朋友同我講過『離遠見到頂草帽就知係你』。（幾時開始戴帽？）事緣係我每年都會分兩季嚟定個着衫Style，3年前嘅夏天就開始有戴草帽嘅習慣，戴戴吓覺得好適合自己，所以一到春夏時間就繼續戴，又可以襯吓衫，自然配合番夏日嘅感覺，所以後期一見到草帽就會睇，愈買愈多！」

李曼筠最鍾意戴草帽，尤其係夏天玩戶外活動嘅時候就最具標誌性！

李曼筠擁有幾十頂唔同類型嘅帽，認真瘋狂！

李曼筠會根據唔同嘅場合同心情揀一頂適合自己嘅帽，大玩百變風格！

問到會否戴其他類型的帽？她說：「會！冬天我會戴另一種絨帽，又好睇又保暖，（咁Cap帽呢？）都會，會戴Cap帽、冷帽、漁夫帽等，只不過開始戴草帽後，就成個世界畀佢侵略咗。（覺得戴邊種帽冇咁好睇？）我暫時試過嘅帽都OK，未有覺得唔適合，所以我真係好鍾意戴帽！」