一眾女星在開幕活動上鬥性感，周秀娜（Chrissie）穿低胸裝、雨僑以高衩晚裝裙騷43吋長腿、唐貝詩吊帶施誘等，當中以大師姐Chrissie最搶鏡，略騷事業線已成為焦點，連司儀也被吸引，介紹她出場時食晒螺絲，不慎把Chrissie誤稱為「先生」，惹笑非常！

穿低胸裝的周秀娜（左）企埋密實Jeana身邊，即刻贏晒！

雨僑以開衩長裙現身，伸出祖莉腿搶鏡。

Chrissie稱當時正與鄭欣宜談話：「只係突然聽到『先生』，佢哋就推咗我出去，其實我覺得我可以反串男生，以前古裝都試過，可能今日着西裝先會咁，第一次畀人咁叫，我把聲配男聲都OK（口架）！」曾有紮胸經驗的她，有意着老闆為她開拍反串的電影，問到欲挑選哪位女星演女友？她笑說：「愈多愈好！未試過用男仔身份畀咁多靚女圍住！（床戲？）睇吓咩類型、方式同古仔先。」而一向打扮性感的何佩瑜（Jeana）卻一反常態，以密實裝束上陣，令人意外。