蕭定一旗下一眾藝人前晚在廣州慶祝新影城開幕，張智霖自爆計劃演而優則導，但未敢請老婆袁詠儀出山：「驚控制唔到呢個演員！」又自言想「侵股」開影城，做半個「娛樂大亨」！　

自認變態的杏兒拖埋其他人落水，指演員都有少少神經質。

張智霖執導唔搵詠儀搵杏兒，怕控制唔住老婆大人！

蕭定一與太太一同出席開幕活動，並透露將加開三間戲院。

蕭定一率領旗下藝人出席開幕活動，並舉杯慶祝。

蕭定一旗下一眾藝人包括張智霖（Chilam）、胡杏兒、周秀娜、王宗堯、張建聲及何佩瑜等，前晚為支持老闆，齊齊到廣州出席《廣州映聯萬和影城開業慶典暨猛龍特囧首映明星見面會》，現場星光熠熠！

身為蕭定一旗下「一哥」的Chilam自爆明年計劃轉戰幕後，演而優則導，問會否找老婆袁詠儀演出？他即笑說：「我驚我控制唔到呢個演員，畀佢威脅番點算？（你大晒（口架）喎！）理論上就係。」他又透露日前已構思一個變態血腥的復仇劇本，打算交給胡杏兒主演：「佢夠晒變態啦！」眼見老闆愈做愈旺，他又自言想「侵股」開影城，差半隻腳做「娛樂大亨」！

想做殺人犯

至於最近加入蕭定一公司的胡杏兒表示正忙在天津開劇，講到未來拍攝電影的計劃，她笑說：「我驚時間唔夠用！」又自言想飾演殺人犯：「我都覺得自己幾變態！做得演員都有少少神經質。」雖然最近苦讀劇本，但她亦有留意陳凱琳在無綫劇的表現：「佢做得幾好。」故認為應給予機會讓她繼續進步。

蕭定一廣州開影城

至於中國3D數碼娛樂公司老闆蕭定一透露投資2,500萬在廣州開設影城，而在廈門經營戲院已經逾一年的他表示，未來會在重慶開兩間戲院及在泉州開一間戲院：「香港就傾緊，但唔會勉強，因為租貴，做得到都未必賺錢。」

文：影視組　攝：嚴偉國廣州傳真