蕭正楠為拍劇集獻出第一次，昨晨於澳門玩笨豬跳，更要跳足兩次，由起初很驚到最後大呼過癮。不過女友黃翠如則相當擔心，更叮囑他跳完即報平安。

蕭正楠坦言女友黃翠如（圓圖）知道他拍笨豬跳時嚇到發茅，要他拍完即報平安。

蕭正楠為工作勇敢獻出第一次，豁出去挑戰笨豬跳。

蕭正楠（Edwin）、田蕊妮和阮兆祥等為劇集《巨輪II》到澳門拍外景，Edwin為工作勇敢獻出第一次，昨晨拍攝笨豬跳場口，由於要應付航拍及兩部攝影機，故一連跳了兩次，他受訪時說：「真係唔係講笑，初初好驚，但落咗一半後，真係好勁，直頭好似周星馳《功夫》入面如來神掌打番地下嗰度，好勁！好好Feel，原來呢啲嘢真係會玩上癮。」

諗起星爺

談到女友黃翠如是否大膽時，他說：「佢當然驚過我，佢話：『你係跳真係幾勇！』我話冇辦法啦！為拍嘢嘛！如果自己就唔會走去跳。」Edwin又指翠如及媽媽都嚇到茅：「翠如一時叫我食多啲，一時又叫我跳前食少啲嘢，搞到佢都慌晒。」

驚腦充血

翠如則表示原先叮囑Edwin拍攝後即報平安：「佢打嚟時我瞓着咗！（你敢唔敢跳？）我玩過滑翔傘，但呢啲個頭向下沖嘅我驚腦充血同心臟負荷唔到！（蕭正楠心臟好弱？）佢好強壯，只係我擔心啫！」而田蕊妮與阮兆祥再合作非常開心，二人更興奮得跳起拍攝。

文：影視組