懷第二胎的鍾麗淇育有患上罕見基因病的大女，一家人樂觀面對之餘，好友亦紛表支持。大膽的她在懷孕八個月時拍了一輯水底大肚照，要閉氣在水底浮沉，還拍足3小時！

挺着巨肚的鍾麗淇在水底擺出優雅姿勢，有凌空的感覺。

懷孕八個月的鍾麗淇，拍了一輯水底大肚照。

兩位大肚婆鍾麗淇（右）及姚樂怡，日前往飲錢國偉的喜宴。

前無綫藝人兼瑜伽導師鍾麗淇（Margaret）育有約4歲的大女Isabella，女兒在半歲時患有罕見基因病「四號染色體缺損綜合症」，一家人勇敢面對，並創立慈善基金，幫助有需要的人，身兼幾職的Margaret今年六月宣布懷二胎時，贏得萬人Like爆支持。

德國攝影師操刀

快將臨盆的Margaret原來早前約懷孕八個月時拍了一輯水底相，她在水底擺出優雅姿勢，還要閉氣下沉：「特登租個泳池，喺泳池水底，拍咗三個鐘，嗰日係紅色暴雨警告，特登將池水整暖，幾辛苦，要閉氣，要呼氣先沉到落去，所以都係幾難忘經驗。」她透露攝影師是德國人，拍攝手法甚有創意，加了黑布令相片有凌空的感覺。

佗第二胎勁頻撲

Margaret提到生B前的準備，她笑言準備多於生第一胎，因為很多初生BB衣物已送給朋友：「囡囡都4歲幾，好多BB嘢都冇，啲衫都畀晒人，囡囡又返學好忙，基金又多嘢搞，可能冇第一個咁輕鬆，佗第一個乜都唔使做，仲教瑜伽，今次頻撲咗少少。」

圖片：Pool Portrait & SENS studio

文：名人組