吳千語和黃又南等前晚到旺角出席電影《王家欣》首映禮，問到若票房報捷會否露股謝票？又南說：「我拍戲都露過股啦！唔使啦！（咁全裸？）冇咁嘅必要，我哋好正面。」笑問是否指「正面全裸」？千語即瞪大眼說：「我都想睇吓，未聽過有人話正面！」又南即解釋是電影訊息正面。

千語和黃又南出席新戲首映禮時表示，想睇拍檔「正面全裸」。

又南（左起）、高張尹馨夫人、吳千語、劉偉恆導演和高鼎國先生拿着名錶合照。

提到男友林峯表示將來想低調成婚，千語說：「低調OK，工作已花好多時間應酬。（羨慕好友Baby世紀婚禮？）佢老公曉明有做生意，要招呼多啲人，我哋情況唔同。」此外，瑞士鐘錶品牌Rodania亞太區總裁高鼎國先生及夫人高張尹馨即席送贈名錶予導演劉偉恆、千語及又南打氣。