周國賢入紙紅館開騷

周國賢（Endy）昨日出席電台訪問時表示，將於下月15日在Star Hall開騷，因上月初開的迷你音樂會反應理想，很多歌迷表示買不到票，故今次選能容納3千人的大場，但門票仍然售罄：「可能意味住下次我要揀更大嘅場館。（下次喺紅館？）係，已經入咗紙喇！自己都冇諗過反應咁好，因為六月先復工重返樂壇，幾個月就極速返到兩年半前嘅工作狀態，自己都好感恩。」他又指上次的音樂會因場地小，忍着不請嘉賓，今次一定會請，尤其是一位在過去兩年他最谷底時陪伴他的男歌手朋友。