「復出」演媽媽生 麥家琪向囝囝備案

闊別香港影壇九年的前港姐麥家琪，再次接拍王晶新片，她接受電話訪問時透露大仔已經八歲，工作時間較易掌握：「其實一直喺內地都有拍，但太長時間拍當然唔得。今次係演一名『媽媽生』，唔需要性感演出，只係透過演技去表現出風騷一面。」問到小朋友有否看過她過往的電影，家琪笑說：「有呀！佢叫我拍番以前啲戲，話我嗰時好靚。今次我都有同佢講去拍戲演媽咪角色，佢問我即係做乜，我答佢即係去照顧吓啲『雞』同『鴨』咁囉！唔知佢明唔明。（老公批准？）我哋大家都好自由，唔需要話批唔批准嘅。」而經常作性感演出的梁敏儀亦有份參演。