文凱玲、何浩文、鍾采羲、唐紫睿及林莉嫻等昨日在遊艇進行新片《鴨王2－雞同鴨戀》開鏡儀式，一班女星均以比堅尼上陣，當中34E鍾采羲一襲Big爆泳衣漏晒奶，輕輕一漏力壓唐紫睿及新「晶女郎」林莉嫻，搶盡風頭！女主角文凱玲預告片中會以全裸360度拍床戲，僅以雙手遮重要部位。

睥睥貢
擁有34E的鍾采羲以三點式上陣盛放「胸」前，養眼程度爆燈。

走哂奶
可能因比堅尼Size太細，鍾采羲郁一郁即時「漏奶」，夠晒火辣。

林莉嫻礙於Cup數較低，即使同以比堅尼谷胸上陣，但明顯輸凸！

未知是否「峰」頭被搶，林莉嫻隔着唐紫睿仍不經意斜睥鍾采羲。

文凱玲預告使出「全裸360」任睇，相信鍾采羲、唐紫睿與林莉嫻難以招架！

《鴨王2》舉行開鏡儀式，一班演員在遊艇切燒豬，唔知有冇求埋少啲是非呢？

新片《鴨王2－雞同鴨戀》昨日在遊艇舉行開鏡儀式，一班演員文凱玲（Connie）、何浩文（Dominic）、鍾采羲（Iris）、唐紫睿（Hazel）、林莉嫻（Leslie）、麥家琪與喬寶寶等均有出席。各女星以性感比堅尼晒「胸」器，場面香艷，其中擁有34E的Iris身穿逼爆泳衣卻不慎漏奶，輕易力壓Leslie與Hazel成為全場焦點。

尺度所限冇露點

提到新片，Iris表示今次的性感尺度是入行以來最激，亦大有發揮，因慘遭何華超暴力對待：「有一場戲係血腥、暴力又性感嘅床上戲，拍嗰時都驚！」她透露拍攝時更要全裸上陣，但因電影屬2B級，故只有露背而未有露點。談到活動上搶盡「峰」頭最性感，她笑說：「我最肥就真！（幾磅？）110磅左右啦！」Hazel則指性感留給師妹Iris與Leslie，她在戲中不需要行性感，反而是搞笑角色，更笑言公司想捧她做諧星！至於會否覺得浪費了完美身材？她說：「唔會！唔想次次都性感。」

至於女主角Connie則透露將與Dominic、何華超及梁焯滿有床戲，更預告會以360度拍攝全裸演出：「其實有啲驚，因為要畀何華超打，要真打先有效果。（性感尺度？）拍嗰時係全裸，360度咁拍，重要部位就用手遮住。」但不擔心會浪費美好身段，因有神秘感更吸引人。對於上集《鴨王》中，袁嘉敏露點搏盡，Connie說：「今次搏喺意識上，我第一次拍床戲！」被問會否有心理壓力？她直言緊張。

Leslie嫌未夠弗

另一焦點、新「晶女郎」Leslie在片中飾演性感律師，她表示首次演出有角色的電影，加上與Dominic有床上戲，故特別緊張。備受王晶力捧的她有否獲劇組特別照顧？Leslie說：「冇！都唔多見到佢（王晶）！」至於試鏡時是否全裸上陣？她說：「我冇試鏡，係簽晶哥嗰陣要着三點式面試。」被問是否對自己的身形有信心，她說：「唔係幾有，仲未夠Fit！（差邊度？）Pat Pat未減得晒，依家要戒澱粉質同做運動。」

文：影視組