無綫劇《城寨英雄》緋聞男女伍允龍及劉佩玥昨日拍攝求婚潑水戲，劇中扮演泰國人的伍允龍以傳統方式向劉佩玥求婚，見她出現即大桶水照頭淋，毫不知情的她氣得轉身離開。被伍允龍連淋兩次的她受訪時說：「唔記得要打底，希望唔會冷病，淋完都會即刻飲啲熱嘢保暖。」問她將來可希望有驚喜求婚？她說：「如果喺香港用泰式求婚都幾狼狽，我依家都未拍拖，求婚將來等男仔諗啦！我唔使太多花樣，簡單就可以，最緊要有心思，有錢都留番嚟買樓，層樓寫我名就得喇，哈哈！」另外，問到拍攝時被劉佩玥大罵的伍允龍平日有否被她罵時，他說：「平時唔會鬧人，大家拍戲好認真。背後就成日講笑，佢鬧人鬧得好可愛。」

伍允龍以泰式潑水向劉佩玥求婚，令她全身濕透。