藝人泰臣生日大搞化妝舞會，壽星公以一身張國榮加郭富城造型亮相，並Chok爆獻唱張國榮歌曲《大熱》。好友楊詩敏（蝦頭）及男友邵子風以謝安琪及麥浚龍的「羅生門Look」孖住賀壽，邵子風全程拿着噴壺噴到蝦頭一身濕，令女友36C身材盡現，十分搞笑！提到激凸身材，蝦頭笑說：「我平日禾稈冚珍珠啫！原本打算學謝安琪着幾吋高踭鞋，但畀人（邵子風）投訴囉！」而同場的黃秋生被追問有關演藝學院師弟陳國邦離巢風波時說：「咁多年都係人來人往啦！（佢話咁多年都冇機會做主角喎！）呢啲嘢好難講，要講命水、機遇同公司政策，我咁叻又唔見我紅？（你係影帝嘛！）影帝？唔值錢啦！依家一街都係！」

秋生（左）特別帶來香檳為泰臣慶生。

大家覺得蝦頭及邵子風似唔似謝安琪同麥浚龍呢？