吳啟華與黎諾懿前晚在尖沙咀出席劇集《純熟意外》煞科宴,啟華說:「我之後接咗監製鄧特希出面嘅新劇,同蘇永康、陶大宇合作,有動作戲、槍戰、追逐、拳頭交……我自從《再戰明天》開始就練游水跑步,其實《純》劇都好多動作。」

吳啟華與黎諾懿齊齊現身煞科宴,啟華自爆一直有做運動操弗!

而日前為監製錢國偉做兄弟團的黎諾懿,對於林盛斌(Bob)及陳小春疑醉後起衝突,他說:「詳細經過冇人知,事發後班古惑佬(鄭伊健等)分開咗佢哋。當晚氣氛好開心,有人醉好正常!有啲人飲醉控制唔到自己,身為藝人最好飲少啲,免得被人寫,我醉咗會瞓,我怕返唔到屋企,太太最唔鍾意我唔沖涼就撻上床,所以我盡量少飲。」