早前傳婚姻現暗湧的林雅詩（Grace），昨日偕仙樂都（YoYo）出席義賣活動，左手手腕離奇受傷的Grace拆去紗布後，手上明顯有多條鎅痕，問到目前與老公的關係？她說：「OK，普通啦！（婚姻問題已解決？）處理緊。」問是否正辦理離婚手續？Grace則支吾以對：「我冇咁講，依家睇吓進展成點。（要處理幾耐？）唔會拖幾耐。（考慮到囝囝？）我好緊張個仔，全部嘢都以仔為先，佢都十歲，好多嘢會明白，將來發生乜事都會慢慢解釋佢聽。」提到日前凌晨入院，Grace解釋老公要留在家湊仔，故找來助手表哥Eric陪同。

林雅詩出席活動時左手已拆紗布，明顯可見手背有鎅痕。

仙樂都向林雅詩熱情獻吻。

義賣期間，仙樂都（左）與程芷渝（右二）都落力籌款。

仙樂都同FFx鬥「Cheap」

而YoYo透露本月中為新歌拍MV，笑稱跟女子組合FFx鬥低成本：「我冇乜Budget，好彩好多朋友幫助，導演話唔收錢幫我拍，成本同FFx差唔多。」正在排舞的她又無懼網友取笑：「大家笑得開心都OK。」