米高佐敦在香港神出鬼沒,出騷又出得一陣,行蹤飄忽。這位「黃蜂班主」昨日終於坐定定,在深圳大運體育中心與傳媒會面,逗留約半小時才離開。期間「波神」更被「快艇班主」巴爾馬當眾擦鞋,笑到見牙唔見眼。

NBA中國賽昨日在深圳大運體育中心開戰,米高佐敦賽前聯同聯盟總裁阿當施華及快艇老闆保曼出席記者會。由I.T.人轉型做NBA班主的保曼說:「我轉行都係因為米高佐敦,細細個打波唔叻,但又好鍾意MJ,所以收購隊NBA球隊,親近吓佢!」大家都是班主,保曼仍擦MJ鞋,證明「波神」的江湖地位超強!

而米高佐敦在會上表示,今季目標是黃蜂殺入季後賽,見證球隊成長。