「三屆視帝」黎耀祥昨日偕田蕊妮、龔嘉欣等出席台慶劇《無雙譜》祈福活動，談到阿田的演技再獲讚「神級」，祥仔力撐：「我睇好你（攞視后），直頭冇對手呀！」阿田即舉手笑說：「我對手喺度。」問到怕不怕《鬼同你OT》與《無雙譜》同時入圍分薄票數？她笑說：「依家即刻好多對手，平手。（想邊套攞？）隨緣啦！最公平係《無》劇攞視帝，《鬼》劇攞視后。」

黎耀祥力撐田蕊妮攞視后，直頭冇對手！

田蕊妮拋寶牒祈福，希望攞埋視帝及視后。

田蕊妮、黎耀祥和龔嘉欣等，在大埔林村許願廣場出席《無雙譜》祈福活動。

三屆視帝吼光輝大獎

祥仔又笑稱差不多可以攞「萬千光輝演藝人大獎」，對於陳國邦離巢，他希望國邦出去闖，尋找新突破，又認為國邦會重返無綫。阿田則表示這行流動性高，擴闊視野後演出會更豐富。

另外，祥仔與郭羨妮於《無》劇演一對夫妻，演出中會否投放個人經驗？他即冧爆太太梁耀蓮：「同太太感情不嬲都好，我哋太早成熟，一早明白男女之間嘅緣分遊戲其實只不過係咁！」