嫩模尹蓁晞昨日出席活動時，遭好友許嘉浩大爆她被一位年長二十歲的男士追求，對方還揚言要送舖表達愛意，雖然她已婉拒，但卻表示會跟對方合作做生意！

Yumi穿短裙大騷長腿，稍露性感又可人！

Karl爆料指Yumi被一位比她大二十年的大叔追求。

現年二十八歲的尹蓁晞（Yumi）昨日與形象指導好友許嘉浩（Karl），一同現身咖啡店開幕。到韓國修讀韓文兩個月的Yumi透露剛回港，問到可有認識韓國型男？她笑說：「我啲同學有唔同國籍，仲有個六十幾歲嘅阿伯添，哈哈！（咁依家係咪單身？ ）係呀，最近見到好多人結婚，但我十畫都未有一撇，男朋友都未有。」問到可有追求者？在旁的Karl即踢爆說：「有個大佢十年嘅追求者話送間舖畀佢，佢都唔要呀！」Yumi聽罷即更正：「係大二十年呀！」

搵人投資咖啡店

雖然Yumi已婉拒追求者好意，但兩人會合作做生意，她說：「我同Karl想搞啲生意，我想開咖啡店，搵緊投資者。」

此外，早前身形暴脹的她笑言買了一部減肥機，現在每天在家推脂一小時，略見成績。

文：名人組