蔣怡進修返港「補堂」救母女情

名模周汶錡（Kathy）、蔣怡（Coco）、藝人呂頌賢與太太麥景婷等前晚出席綠色素食生活館開幕。Kathy表示閒時有食素，平時會飲蔬菜汁排毒：「香港多咗素食嘅餐廳，好多都好好食。（係咪沙律多？）唔只，連咖喱都有，好多元化。」問到為何打扮密實，是否因上次出席活動時走光？她否認說：「上次黑色嗰條係短褲，係裙嘅一部分，唔緊要啦！平時都好謹慎，唔係走光、唔係失守，係褲嚟啫！」而育有一女的Coco表示早前遠赴藍帶法國廚藝學院修讀九個月課程，現時要長留家中陪伴囡囡「補堂」，增進感情。呂頌賢則透露現時長駐內地工作，營運在上海的自家素食火鍋料理生意。